ஆமங்க இது உண்மைதான் தஞ்சை மாவட்டத்தின் கடைகோடி பகுதியான பேராவுரணி அதனைச் சுற்றியுள்ள கிராமப்புற பகுதிகளில் நடக்கிறது .

பேராவுரணியைப் பற்றி பெரும்பாலும் தெறிந்திருக்க வாய்ப்பு இருக்கிறது தமிழ்நாட்டிலேயே கோடிகணக்கில் மொய் வசூல் செய்யும் பகுதி இதாங்க, தேங்கயுக்கும் நெல் சாகுபடிக்கும் அதிகமாக பெயர் பெற்ற பகுதி

இந்த ஊருக்கு அருகிலேயே வங்காள விரிகுடா கடல் பகுதியும் அமைந்துள்ளது எப்பொழுதும் பச்சைபசேல்லென்று காட்சியளிக்கும் இந்த பேராவுரணி

இந்த ஊரை சுற்றியுள்ள பகுதிகளில் அதிகமாக அமைந்திருக்கிறது களி,முனி,கருப்பராயன்,அய்யனார் போன்ற தெய்வங்களுக்கான கோவில்கள் இங்கு நடைபெறும் கிடாவெட்டு பூஜையானது பிரதித்திபெட்றது கரணம் பெரும்பாலும் பெண்கள் கலந்துகொள்வதில்லை இங்கு வெட்டப்படும் கிடாய்கள் இங்கேயே சமைக்கப்பட்டு பரிமாறப்படுகிறது,

இந்த கிராமப்புற மக்களின் வீடுகளில் நடைபெறும் அனைத்து சுக துக்க நிகழ்சிகளில் கறி விருந்தே போடப்படுகிறது காது குத்து தொடக்கி கல்யாணம் பெயர் வைப்பது நிச்சயதார்த்தம் மொய்விருந்து போன்ற அணைத்து நிகழ்சிகளிலும் கிடா கறி நிச்சயம் .

அடுத்ததாக வருவது இந்த மொய்விருந்து நிகழ்ச்சி ஆடி மாதம் தொடக்கி இரண்டுமாதங்கள் நடைபெறும் இந்த மொய்விருந்து (ம் ம் ம் .....) சூப்பர் .காரணம்

இந்த இரண்டு மாதங்களும் நடைபெறும் மொய்விருந்தில் தினமும் கிடா விருந்துதான்

ஒரு வெள்ளை வேஷ்டி சட்டை இருந்தா போதுமுங்கோ உடம்பதேத்திபுல்லாம்...

நான் கண்டது

ஒருவர் வீட்டில் நடைபெறும் சுக துக்க நிகழ்சிகளுக்கு பக்கத்துவீட்டுகாரர்களை கூட

அழைக்காமல் தன் சொந்தங்களை மட்டும் கூட்டிக்கொல்லும் இந்த நகரத்து வாழ்கையில்

ஒருவர் வீட்டில் நடைபெறும் அனைத்து நிகழ்சிகளிலும் ஒரு ஊரே கூடியிருக்கும் இங்கு சாதிகள் பார்க்கப்படுவதில்லை ஏழை பணக்காரன் என்று பார்க்கப்படுவதில்லை

இப்படியும் வாழ்கிறார்கள் இவர்கள்

"சொந்தங்கள் பரம்பரையால் வருவதல்ல பாசத்தால் வருவது "

இதாங்க எங்க பேராவுரணி

குதிரை சிலைக்கு காகித பூமாலை அணிவித்து பக்தர்கள் நேர்த்திக்கடன்

ஆலங்குடி அருகே பெருங்காரையடி மீண்ட அய்யனார் கோயில் மாசிமக திருவிழாவை முன்னிட்டு நேற்று பக்தர்கள் கோயில் குதிரை சிலைக்கு காகித பூமாலைகளை அணிவித்து நேர்த்திக்கடன் செலுத்தினர்.
புதுக்கோட்டை மாவட்டம் ஆலங்குடி அடுத்த குளமங்கலம் வில்லுணி ஆற்றங்கரையில் பெருங்காரையடி மீண்ட அய்யனார் திருக்கோயில் உள்ளது. இக்கோயிலுக்கு ஆண்டுதோறும் மாசி மாதம் பவுர்ணமியை முன்னிட்டு மாசி மக திருவிழா இரண்டு நாள் நடக்கும். இந்த ஆண்டு மாசிமக திருவிழா நேற்று தொடங்கியது. திருவிழாவை முன்னிட்டு இக்கோயிலுக்கு புதுக்கோட்டை மாவட்டம் மட்டுமின்றி சென்னை, திருச்சி, தஞ்சை, திருவாரூர், சேலம், திருப்பூர், ஈரோடு, கோவை, மதுரை, தேனி, திண்டுக்கல், மதுரை, நீலகிரி, ராமநாதபுரம் ஆகிய மாவட்டங்களில் இருந்து வாகனங்களில் ஏராளமான பக்தர்கள் காகித பூமாலைகளுடன் வந்து கோயிலில் உள்ள 30அடி உயரமுள்ள குதிரை சிலைக்கு அணிவித்து நேர்த்திக்கடன் செய்தனர். இந்த வருடம் 900 காகித பூமாலைகள் குவிந்தன.
மேலும் பக்தர்கள் பால்குடம், காவடி, பறவைக்காவடி, செடல் காவடி போன்றவை எடுத்து வந்தும் நேர்த்திக்கடன் செலுத்தினர். விழாவையொட்டி கீரமங்கலம் ஜேசீஐ அமைப்பினர் மருத்துவ வசதிகளை செய்திருந்தனர். பக்தர்கள் வசதிக்காக பட்டுக்கோட்டை, பேராவூரணி, அறந்தாங்கி, புதுக்கோட்டை ஆகிய போக்குவரத்து பணிமனைகளில் இருந்து சிறப்புப் பஸ்கள் இயக்கப்பட்டன. கீரமங்கலம் எஸ்ஐக்கள் வீராச்சாமி, தமிழரசன், ஆறுமுகம் ஆகியோர் தலைமையில் போலீசார் பாதுகாப்பு பணியில் ஈடுபட்டனர்.